Өзбекстанда «Құрбан айт мерекесін атап өту туралы» Президент қаулысы жарияланды.

Қаулыға орай 2022 жылғы Құрбан айттың бірінші күні сенбі, 9 шілдеге сәйкес келеді және бұл күн Құрбан айт ретінде тойланатын болады.

Айт мерекесіне орай ел тұрғындары жұмыс аптасының түріне қарамастан 4 күн демалады.

Мемлекет басшысының бұрын қабылданған жарлығына сәйкес 2022 жылғы шілдеде келесі қосымша демалыс күндері белгіленген:

• 9 шілде (сенбі) – Құрбан айт мерекесі;
• 10 шілде (жексенбі) әдеттегі демалыс күні;
• 11 шілде (дүйсенбі) – барлығына қосымша демалыс күні;
• 12 шілде (сейсенбі) – 6 күндік жұмыс аптасында жұмыс істейтіндер үшін қосымша демалыс күні, 5 күндік жұмыс аптасында жұмыс істейтіндер үшін 16 шілдеден (сенбі) ауыстырылған демалыс күні.