ӨР Экология, Қоршаған ортаны қорғау және Климаттың өзгеруі министрлігінің бастамасымен республикада электр қуатымен жүретін көліктер қоқыс тасымалдау үшін пайдаланылады.

Министрлік дерегінше, бұл электромобиль қоқыс кластері тарапынан Қытайдан әкелген.

«Бүгінде экологияда, атап айтқанда, қалдықтар саласында жаңа технологиялар енгізілуде. Қытайдың Chengdu Shiny Technology Co.Ltd компаниясымен бірлесіп әкелінген электр жабдықтары, ең алдымен, атмосфераға улы заттар шығармайтындығымен маңызды. Яғни, бұл көлік экологияға зиянын тигізбейді», - деді Экология, қоршаған ортаны қорғау және климаттың өзгеруі министрі Азиз Абдухакимов. 

Қытайлық компанияның сарапшысы Вей Го бұл электромобильдің атмосфераға зиянсыз екенін, Өзбекстан да осы жағына назар аударғанын айтқан.

«Электромобиль Қытайдың Ченжу қаласында шығарылған. Қоршаған ортаға зиянсыз. Біз Өзбекстанмен өзара ынтымақтастығымызға қуаныштымыз және болашақта Өзбекстанда қоқыс таситын электромобильдер шығаруды жоспарлап отырмыз», - деді Вей Го.

Электромобиль алғашында Жызақ облысында сынақтан өтеді. Назар аударатын тағы бір қолайлы жағы, бұл электромобиль тар көшелерде жүруге де арналған.

«Көлік толық қуатында 300 шақырымды жүріп өтеді. Бұл күндізгі уақытта тұрғын үйлерден қалдықтарды алып, арнайы полигондарға тасымалдауға мүмкіндік береді. Сондай-ақ 3 тоннаға дейін жүкті оңай тасымалдай алады», - дейді қалдықтар кластерінің жетекшісі Джахангир Худойбердиев.