Президент Шавкат Мирзияевтің төрағалығымен кедейлікті азайту және халықты жұмыспен қамтамасыз ету, шағын кәсіпкерлікті дамыту үшін қосымша жағдай жасау шаралары туралы бейнеселекторлық кеңес өтуде.

Онда отбасылық кәсіпкерлікті одан әрі ынталандыру мақсатында қаржылық қолдау аясы кеңейетіні айтылды.

Атап айтқанда, 2023 жылы:

- кәсiпкерлердiң қызметiн кеңейту үшiн несие мөлшерi қазiргi 225 миллион сумдан 300 миллион сумға дейiн көбейтiледi;

- диқандарға кепілсіз несиенің көлемі 50 миллион сумға дейін көбейтіледі (қазіргі уақытта 33 миллион сум);

- Бұрын отбасылық бизнес бағдарламалары аясында несие алып, жақсы нәтиже көрсеткен кәсіпкерлер осы бағдарламалар аясында қайтадан жеңілдетілген несие ала алады (қазір бір рет қана алуға болады);

- Жаңа несие алған азаматтар өзін-өзі жұмыспен қамтығандарға берілген жеңілдіктерді пайдаланады;

- несиенің бір бөлігін пластикалық карта бойынша алуға рұқсат беріледі.

2023 жылы отбасылық бизнес бағдарламасына 12 триллион сум (2022 жылы – шамамен 10 триллион сум) бөлінеді. Жуырда ғана Президент қол қойған жарлыққа сәйкес, отбасылық бизнеске қосымша 300 миллион доллар бөлінетін болды.