Өзбекстанда онлайн сауда үшін де электронды чек берілетін болды.

Салық комитетінің хабарлауынша, кәсіпкерлік субъектілері онлайн БКМ мен виртуалды кассадан пайдаланып, тұтынушыларға QR коды және фискалдық белгісі бар чекті ұсынуы керек. Мұндай чектер сатып алушыға терминал арқылы немесе қолма-қол ақшамен сатып алынғанына қарамастан беріледі.

Егер сатып алушы төлемдерді электрондық төлем ұйымдары, банктік мобильді қосымшалар немесе электрондық коммерция платформалары (маркетплейс) арқылы жүзеге асырса, онда электрондық фискалдық чек қалыптастырылады.

Мұндай чектер үшін «Салық» мобильді қосымшасында сатып алу сомасының 1 пайыз мөлшерінде кэшбэк автоматты түрде есептеледі (ол үшін Салық қосымшасындағы телефон нөмірі мен енгізілген төлем жүйесі (маркетплейс) сәйкес келуі керек).

Сатып алушы салық органына QR коды бар чек берілмегені туралы хабарлауға құқылы. Ол үшін Салық мобильді қосымшасының «Салық серіктесі» жүйесі арқылы өтініш жіберу қажет.