Өзбекстанда бүгін 1 шілде тәулік бойы 165 кісі аурудан сауығып, 278 жан вирус жұқтырған және 67 жасар ер азамат індеттен көз жұмған.

Денсаулық сақтау министрлігінің хабарлауынша Өзбекстанда COVID-19 індетін жұқтырғандар саны 8781-ге жетіп, олардан 5847 жан сауығып шыққан болса, бүгінге дейін аурудан 27 кісі қайтыс болғаны айтылады.

Ел аумағында коронавирус жұқтырғандар қатары күн өткен сайын көбейуі мен қатар өлім жағдайы да өсіп келеді. Қазіргі уақытта республикалық ауруханаларда 2907 науқас індетпен күресуде, олар арасында 18 азаматтың жағдайы ауыр, 7 өте ауыр хәлде.