Өзбекстанда ресми коронавирус статистикасы 24 қазан күні 65 мыңнан асты.

Денсаулық сақтау министрлігінің кешкі қорытынды мәліметі бойынша республикада бүгін тәулік бойы індет жұқтырғандар 291 кісіге көбейіп, жалпы саны 65 102-ге жетті.

Сондай-ақ, бүгін 13 аймақта 309 азамат аурудан сауығып шығып, қазірде олардың саны 62 342 жанды құрауда. Өкінішке орай бүгін тағыда 3 кісі вирустан қаза болған, қазірде өлім саны бойынша жалпы көрсеткіш 545-ке жеткен.

Қазіргі уақытта республикада 2215 науқас ауруханада дәрігерлер бақылауында қалуда. Олардың 281-нің жағдайы ауыр, ал 77 науқастың хәлі өте ауыр екендігі айтылған.