Өзбекстанда ресми коронавирус статистикасы 14 қазан күні 60 мыңнан асты.

Денсаулық сақтау министрлігінің кешкі қорытынды мәліметі бойынша республикада бүгін тәулік бойы індет жұқтырғандар 317 кісіге көбейіп, жалпы саны 62 055-ке жетті.

Сондай-ақ, 332 азамат аурудан сауығып шығып, қазірде олардың саны 59 095 жанды құрауда. Өкінішке орай бүгін тағыда 3 кісі вирустан қаза болған, өлім саны бойынша жалпы көрсеткіш 514-ке жеткен.

Қазіргі уақытта республикада 2446 науқас ауруханада дәрігерлер бақылауында қалуда. Олардың 317-нің жағдайы ауыр, ал 102 науқастың хәлі өте ауыр екендігі айтылған.