Өзбекстанда жалпы коронавирустан айыққандар саны 94 пайызды құрады.

Денсаулық сақтау министрлігінің 27 қыркүйек күнгі кешкі қорытынды хабарына сай республикада 448 кісінің індет жұқтырғаны тіркелген және 507 науқас сауығып отбасына оралса, 5 науқастың қайтыс болғаны айтылады.

Республикадағы коронавирустық жағдай күн өткен сайын жақсарып келеді. Қазіргі уақытта елдегі жалпы індет расталған науқастар саны 55 401-ге жетіп, олардан 51 965 кісі сауығып шықты. Өкінішке орай бүгінге дейін 459 өлім жағдайы тіркелген.