Президенттің қаулысымен Өзбекстанда тұрғындарға күн батареялары арқылы өндірілген электр энергиясы үшін субсидия беріледі.

Мемлекет басшысының «2023 жылы жаңартылатын энергия көздерін және энергия үнемдейтін технологияларды енгізуді жеделдету жөніндегі шаралар туралы» жарлығына сәйкес, 2023 жылы жалпы қуаттылығы 4300 МВт болатын жаңартылатын энергия көздері іске қосылады. 

Оның ішінде:

• 2 100 МВт – ірі күн және жел электр станциялары;
• 1200 МВт – әлеуметтік сала объектілерінде, шаруашылық жүргізуші субъектілердің ғимараттары мен құрылыстарында, пәтерлерде орнатылған күн батареялары;
• 550 МВт – кәсіпкерлер салған шағын фотоэлетр станциялары.

Сондай-ақ 2023 жылы:

• мемлекеттік-жекеменшік әріптестік негізінде 27 ірі қуатты күн және жел электр станциялары салынады;
• 20 мың әлеуметтік сала нысандары мен мемлекеттік мекемелерде шағын қуаттылық жаңартылатын энергия көздері құрылғылары орнатылады;
• 11 мың кәсіпкердің ғимараты мен нысандарына күн батареялары орнатылады, шағын фотоэлектр станциялары салынады;
• 37 мың үй шаруашылығы шағын жаңартылатын энергия көздерімен жабдықталады;
• пайдалануға берілетін 765 көпқабатты тұрғын үй жаңартылатын энергия көздерінен қуат алады;
• Өңірлерде 103 шағын және шағын су электр станциясы салынады;
• 5407 әлеуметтік нысан көмірмен жылытылады.

Сонымен қатар, 2023 жылдың 1 сәуірінен бастап республика аумақтарында шағын қуатты күн батареяларын (жалпы қуаты 50 кВт-қа дейін) орнатуды ынталандыру бойынша «Шуаты үй» бағдарламасы жүзеге асырылатын болады. Бағдарлама аясында тұрғындардың күн батареялары арқылы өндірген артық электр қуатының әрбір киловатт-сағатына 1000 сум субсидия бөлінетін болды.

Осымен бірге әлеуметтік сала объектілерінің, мемлекеттік органдардың және басқа да ұйымдардың ғимараттары мен құрылыстарында шағын қуатты жаңартылатын энергия көздерін орнату және пайдалану үшін «Green Energy» ЖШС құрылды.