Олий Мажлис Сенаты ӨзбекстандаИслам банк қызметін жүзеге асыруға құқық беретін лицензия түрін енгізуді көздейтін заңды мақұлдады. Аталған заң арқылы ислам банкингіне арналған лицензияның талаптары белгіленіп, банктерге толықтай ислам банк қызметін жүзеге асыруға немесе дәстүрлі және ислам банк қызметін қатар алып баруға мүмкіндік беріледі.

Осыған байланысты Олий Мажлис Сенатының кезекті жалпы отырысында «Өзбекстан Республикасының кейбір заңнамалық актілеріне Өзбекстанда ислам банк қызметін енгізуге бағытталған толықтырулар мен өзгерістер енгізу туралы» заң мақұлданды. 

Қазіргі таңда қаржылық қызметтер қамту аясын кеңейту, сондай-ақ халықаралық ислам қаржы стандарттарына сай баламалы банк қызметтерін енгізу қажеттілігі туындап отырғаны айтылған. Осыған орай, заңмен 2 кодекс пен 7 заңға ислам банк қызметінің құқықтық негіздерін айқындайтын жаңа нормалар енгізілуде.

Атап айтқанда, ислам банк қызметін жүзеге асыруға құқық беретін лицензия түрі енгізіліп, оған қойылатын талаптар белгіленеді. Бұл лицензия банктерге ислам банкингін толық форматта жүргізуге немесе дәстүрлі және ислам банк қызметін қатар ұсынуға жол ашады.

Сонымен қатар, ислам қаржы қызметіне қатысты мәселелерді үйлестіру мақсатында Орталық банкте және ислам банк қызметін жүзеге асыратын банктерде Ислам қаржы кеңесін құру, сондай-ақ оның қызметіне қойылатын талаптарды айқындау көзделген.

Бұдан бөлек, ислам қаржы операцияларының ерекшеліктерін ескере отырып, Салық кодексіне ислам қаржы операцияларын салық салу тәртібін белгілейтін жеке тарау енгізіледі. Соған сәйкес, ислам қаржы қызметінен алынатын табыстар салық салу мақсатында пайыздық табыстарға теңестіріледі, ал банктер мен микроқаржы ұйымдары клиенттерге өткізетін тауарларға белгіленетін үстеме құн салығынан (ҚҚС) босатылады.