Министрлер Кабинеті жанындағы Ғарыштық зерттеулер және технологиялар агенттігі (Узбеккосмос) жүйесінде Ғарыш мониторингі және геоақпараттық технологиялар орталығы құрылады.

Ведомствоның хабарлауынша, орталық мына бағыттар бойынша жұмыс істейді:

спутниктік құрылғылар арқылы Жерді қашықтықтан зондтау, оның деректерін қабылдау, сақтау, өңдеу және тарату;

ғарыштық салаға қатысты қызметтер көрсету;

ғарыштық салаға ғылыми-инновациялық технологияларды кеңінен тарту мақсатында осы саладағы ғылыми-инновациялық жұмыстарды жүзеге асыру;

ғарыштық және геоақпараттық технологияларды, сондай-ақ ұшқышсыз ұшу аппараттарын пайдалану арқылы экономиканың, қорғаныс және қауіпсіздік секторларының және өңірлердің әлеуметтік-экономикалық қызметінің тиімділігін арттыруға жәрдемдесу.

Ғарыштық мониторинг және геоақпараттық технологиялар орталығы мемлекеттік органдар мен ұйымдарға, бизнес-қауымдастықтарға, жергілікті билік органдарына, жеке және заңды тұлғаларға ғарыштық мониторинг, қашықтықтан зондтау деректері және басқа да ғарыш қызметтерін спутниктік және ұшқышсыз ұшу аппараттары арқылы қамтамасыз етеді.