Өзбекстанда Малайзияның «Five Petroleum» жанармай құю станциялары желісі құрылады.

Осыған орай «Узбекнефтгаз» АҚ басқарма төрағасы мен Малайзияның «Five Petroleum» компаниясы бас директоры арасында келіссөздер өтті.

Кездесу барысында Өзбекстанда «Five Petroleum» брендімен жанармай құю станциялары желісін құру жобасы талқыланды. Бұл бастама елдің энергетика нарығын дамыту мен қызмет көрсету сапасын арттыруға бағытталған.

Келіссөздерде өнімдер мен қызметтердің жоғары сапасына қол жеткізу мақсатында заманауи технологиялар мен халықаралық стандарттарды енгізуге ерекше назар аударылды. Сонымен қатар, Малайзия компаниясының елдегі көлік-логистика инфрақұрылымын ұйымдастыру мүмкіндіктері қарастырылды.

Кездесу қорытындысы бойынша тараптар өзара ынтымақтастықты нығайту және республика энергетика саласы үшін стратегиялық маңызы бар бірқатар жобаларды жүзеге асыруға келісті.

Компанияның ақпарат қызметінің хабарлауынша, бұл бастама тек экономикалық дамуға ғана емес, сонымен қатар қызмет көрсету сапасын жақсартуға да үлкен маңызға ие.