Автомобиль жолдары саласындағы МЖӘ негізіндегі жобаларды жеделдету жоспарлануда.

Көлік министрлігінде Дүниежүзілік банк пен Еуропалық қайта құру және даму банкінің жоба үйлестірушілерімен кездесу өтті.

Министрліктің хабарлауынша, кездесуде МЖӘ негізінде Ташкент-Самарқанд және Ташкент-Әндіжан автожолдарын салу жобалары бойынша жүргізіліп жатқан жұмыстар талқыланды.

«Автокөлік жолдары комитеті, Экономика және қаржы министрлігі, Инвестициялар, сауда және индустрия министрлігі, сондай-ақ «Proyapı Mühendislik ve Müşavirlik A.Ş.» компаниясы, «Over Arupand Partners International Limited», «Price Water House Coopers Advisory» және «CMS Cameron McKenna Nabarro Olswang LLP» консорциумының өкілдері жобаны іске асыру үдерістерін жеделдету мәселелерін талқылады», делінген хабарламада.

Айта кетейік, талқылауға жарияланған «Өзбекстан-2030» стратегиясы жобасына сәйкес, ақылы автомобиль жолдарын салу және оларды пайдаланудың құқықтық негіздерін белгілеу бойынша нормативтік құқықтық құжат әзірленеді.

Алғашқы ақылы жолдар Ташкент-Самарқанд және Ташкент-Әндіжан бағыттарында болады деп жоспарланған. Аталған жобалардың техникалық-экономикалық негіздерін әзірлеуді 2023 жылдың қараша айында аяқтау жоспарлануда.