Өзбекстан Республикасының Бас прокуратурасы мен Америка Құрама Штаттарының Федералдық тергеу бюросы (ФБР) өкілдері арасында кездесу өтті.

Онда екіжақты ынтымақтастықтың жай-күйі, сондай-ақ Бас прокуратура, АҚШ Федералдық тергеу бюросы, Құқық қорғау академиясы және Ішкі істер министрлігімен бірлесіп «Жарылыстан кейінгі тергеу әрекеттері» тақырыбында өткізу жоспарланған оқу курсына қатысты мәселелер талқыланды. 

Шараға Өзбекстанның құқық қорғау органдарының өкілдері мен терроризм және ұйымдасқан қылмыстың басқа да түрлерімен күресте жұмыс істейтін АҚШ ФБР сарапшылары шақырылғаны айтылды.

Шара екі кезеңде өтеді деп жоспарлануда. Бірінші кезеңде қатысушылардың теориялық дайындығы арттырылады. Ол Өзбекстанның Құқық қорғау органдары академиясында өтеді. Екінші кезеңді ІІМ ведомстволық оқу орталығында (кампусында) ұйымдастыру жоспарлануда. Онда жарылыс болған жерде іс жүзінде жедел-іздестіру әрекеттерін жүргізу мақсатында көліктердің оқу-жаттығу жарылыстары жүргізіледі.