Өзбекстанда күшейіп тұрған жазғы аптап ыстық жағдайында пойыздардың қозғалыс жылдамдығы шектеледі.

Бұл туралы «Өзбекстан темір жолдары» компаниясы хабарлады.

«Ауа температурасының жоғарылауына байланысты жерүсті теміржол рельстері мен олардың болат бөлшектерінде температура тым жоғары болатыны ескеріліп, жолаушылар мен пойыз қозғалысының қауіпсіздігін қамтамасыз ету мақсатында жылдамдыққа уақытша шектеу енгізіледі», делінген хабарламада.

Сондай-ақ, жылдамдығы шектелген пойыздарда салқындату жүйесінің жұмыс қуаты төмендеуі мүмкін екені айтылған.

Осыған байланысты, пойыздар қозғалыс кестесінде көрсетілген уақыттан кешігіп жетуі де мүмкін.