Мемлекет басшысының «Адам құқықтары жөніндегі Өзбекстан Республикасы Ұлттық орталығының қызметін материалдық-техникалық қамтамасыз етуді одан әрі жетілдіру туралы» Жарлығы қабылданды.

Қаулымен Адам құқықтары жөніндегі ӨР Ұлттық орталықта Адам құқықтары жөніндегі ақпараттық-кітапхана орталығы - «Адам құқықтары үйі» құрылды.

Орталыққа мынадай қосымша міндеттер жүктетілген:

• адам құқықтары саласындағы ғылыми-құқықтық базаны жүйелеу, оқу, ғылыми-әдістемелік және танымал басылымдар мен халықаралық шарттар жинақтарын мемлекеттік тілде тұрақты басып шығаруды қамтамасыз ету;
• адам құқықтарын қорғауға қатысты реформалардың хронологиясын сақтау, азаматтар мен зерттеушілерге адам құқықтары бойынша құрылымдық ғылыми және құқықтық көздерге қол жеткізу үшін кең мүмкіндіктер беру.

Орталық адам құқықтары саласында Өзбекстанның халықаралық міндеттемелерін орындауда мемлекеттік органдар мен басқа ұйымдардың өзара іс-қимылын, ұлттық баяндамалар дайындауда, адам құқықтарын қорғау бойынша халықаралық ұйымдарымен ынтымақтастықты кеңейтуді қамтамасыз ететін орган болып табылады.