Ақпараттық технологиялар және коммуникацияларды дамыту министрі Шерзод Шерматов Acharya университетінің директоры Вишеш Чандрашекармен кездесті.

Министрліктің хабарлауынша, кездесуде IT-білім беру саласындағы ынтымақтастықты нығайту мәселелері талқыланды.

Жаңа Өзбекстанның 2022-2026 жылдарға арналған даму стратегиясына сәйкес Бұхара облысының Қаракөл ауданында сандық технологияларға маманданған арнайы заманауи талаптарға сай ақпараттық технологиялар саласында білім беруден өндіріске дейінгі интеграциялық тізбекті құруды көздейтін IT кластерінің қызметі жолға қойылуда. 

Бұл IT-кластер құрамында 5600 орындық университет, 100 орындық инкубациялық орталық және 50 орындық дистанциялық қызметтерді экспорттау орталығы, 1435 орындық студенттер жатақханасы және қызметкерлерге арналған қонақ үй, ас үй, ашық және жабық спорт кешендері болады деп жоспарланған.

Осы жылдың 10 қазанында Ақпараттық технологиялар және коммуникацияларды дамыту министрлігі Бұхара облыстық әкімшілігі Үндістанның «Acharya институттары» арасында «Acharya International University of Uzbekistan» ашу туралы өзара ынтымақтастық туралы келісімге қол қойған болатын.

Бүгінгі басқосуда да осы бағыттағы жұмыстарды жалғастыру, ынтымақтастықта жаңа жобаларды әзірлеу мәселелері талқыланды, делінген министрлік хабарында.