2024 жылдың 9 ақпанындағы жағдай бойынша Өзбекстанда 9507 бала гепатит А жұқтырған.

Санитарлық-эпидемиологиялық сауықтыру және қоғамдық денсаулық сақтау комитетінің ақпараттық қызметінің хабарлауынша, ауру көрсеткіштерінің өсуі Әндіжан, Бұхара, Наманган, Сұрхандария, Самарқанд, Ферғана облыстарында және Қарақалпақстан Республикасында байқалады.

Кейінгі 12 айда республика бойынша жалпы 365 167 бала «А» вирусты гепатитіне қарсы вакциналанған.

«А» гепатиті ауруына қарсы вакцинация 94-98 пайыз жағдайда вирустың берілуіне жол бермейді, ал вакцинациядан кейін ықтимал ауыр асқынулар байқалмайды.

Дүниежүзілік денсаулық сақтау ұйымының ұсынысы бойынша бұл вакцинаның қауіпсіздігі мен сапасына кепілдік беретін сертификаттары бар және вакцинация бір рет қолданылады, ревакцинация қажет етілмейді. А вирусты гепатитіне қарсы негізінен 18 айдан 14 жасқа дейінгі балалар егіледі.