Өзбекстанда 35 жоғарыоқу орны ақылы негіздегі оқу құнын мемлекеттің араласуынсыз дербес анықтайтын болды.

«Мемлекеттік жоғары оқу орындарының академиялық және ұйымдық-басқарушылық дербестігін қамтамасыз ету жөніндегі қосымша шаралар туралы» Президенттің Жарлығы қабылданды.

Осыған орай Өзбекстандағы 35 жоғары оқу орны ақылы негіздегі білім беру құнын мемлекеттің араласуынсыз дербес анықтайтын болды:

Қаржылық тәуелсіздік алған мемлекеттік университеттер 2022 жылдың 1 қаңтарынан бастап мынадай дербес шешім қабылдай алады:

• оқу ақысын, төлем мерзімін белгілеу және ұзарту;
• келісім-шарт негізінде жергілікті және шетелдік профессорлар мен мамандарды тарту;
• ЖОО өз қаражаты есебінен студенттерге шәкіртақылар мен гранттар бөлу;
• шетелдік оқу және ғылыми әдебиеттерді, оқулықтарды, оқу құралдарын тікелей сатып алу;
• бос тұрған ғимараттар мен құрылыстарда ақылы қызмет көрсету тәртібін белгілеу;
• көліктердің жыл сайынғы жүру шегін және оларға техникалық қызмет көрсету талаптарын белгілеу.

Сондай-ақ, қаулыда мемлекеттік университеттердің ішкі аудит және қаржылық бақылау қызметтеріне жұмсалған шығыстарына онлайн мониторинг жүргізу қарастырылған.