Соңғы 15 жылда Өзбекстанда жан басына шаққандағы судың жылдық көлемі 3048 текше метрден 1589 текше метрге дейін азайған.

«Узсувтаминот» мекемесінің бас маманы Анвар Мухаммадалиевтің мәлімдеуінше, Узгидрометтің 2012-2021 жылдардағы зерттеуінің талдауы бойынша климаттың өзгеруіне байланысты жауын-шашынның аз болуы, кейбір жылдардағы вегетациялық кезеңдегі құрғақшылық, Шарбақ су қоймасы (Шыршық өзені) және Зарафшан өзеніне 2013-2014, 2018, 2020 және 2021 жылдары мөлшерден 10 —15 пайыз аз су келгені байқалған.

Су тапшылығы өз кезегінде ауыз су тапшылығына әкеп соғуда. Соңғы 15 жылда жан басына шаққандағы судың жылдық көлемі 1589 текше метрге дейін азайған. Ауыз сумен жабдықтау және кәріз қызметіне деген сұраныс күн санап артып келеді.

Дүниежүзілік банктің болжамы бойынша, 2050 жылға қарай Өзбекстанда суға деген сұраныс 59 текше шақырымнан 62-63 текше шақырымға дейін артады, ал қолда бар су ресурстары 57 текше шақырымнан 52-53 текше шақырымға дейін азаяды, бұл қазіргі су тапшылығын (2 текше километрден 11-12 текше километрге дейін) бес есе арттыруы мүмкін.

Гидрогеологиялық зерттеу нәтижесінде мынадай қорытынды жасалған:

• Қазба жұмыстары кезінде үлкен аумақтарда үлкен сулы горизонттардың ашу яғни 100-500 метр радиуста жер асты суларының деңгейінің 1-2 метрге төмендеуіне әкеледі. Қазба жұмыстарында технологиялық регламент талаптарын қатаң сақтау;
• Зарафшан өзеніндегі «Дагбит су алу нысаны» 3-учаскесінің I санитарлық-қорғау аймағында орналасқан аумақта қазба жұмыстарын тоқтатып, қалпына келтіру қажет;
• Жер асты суларын тарту құрылыстарының ІІ санитарлық-қорғау аймағында орналасқан карьерлердегі тау-кен жұмыстарын жүргізу жер асты суларының (микробтық) ластануына әкелуі мүмкін екенін ескере отырып, бұл аумақтарда жер қазу жұмыстарын шектеу ұсынылады.