Өзбекстан Көлік министрлігінің бастамасымен Қазақстан-Түркіменстан-Иран-Түркия көлік министрліктері мен теміржол саласы өкілдері арасында бейнеконференция-байланыс түрінде кездесу өтті.

Министрлік дерегінше, кездесуде «Қытай-Қазақстан-Өзбекстан-Түркіменстан-Иран-Түркия-Еуропа» халықаралық көлік дәлізін құру туралы келісімге қол қоюға байланысты үдерістерді жеделдетуге бағытталған маңызды мәселелер талқыланып, елдер арасындағы халықаралық көлік және транзиттік бағытты дамытуға қатысты аспектілер қарастырылды.

Тараптар «Қытай-Қазақстан-Өзбекстан-Түркіменстан-Иран-Түркия-Еуропа» халықаралық көлік дәлізін дамыту баршаға тиімді екенін және бұл дәліздің екі ел арасындағы транзиттік көлік пен сауда қатынастарын дамыту үшін жаңа мүмкіндіктер ашуға қызмет ететінін атап өтті, делінген хабарламада.