ЮНЕСКО-ның Мәдени мұраларды сақтау және қалпына келтіру бойынша халықаралық зерттеу орталығының бас директоры Аруна Франческа Мария Гужрал Өзбекстанның ұйымға мүше болғанын ресми түрде жариялады.

«Өзбекстан жарғысының екінші бабының екінші және төртінші тармақтарына сәйкес қосылуы туралы ресми декларациясын тапсырғаннан кейін, 2024 жылдың 30 тамызында ұйымға ресми түрде қабылданып, 138-ші мүше мемлекетке айналғанын жариялау мен үшін үлкен мәртебе», – деді ұйымның бас директоры Аруна Франческа Мария Гужрал өзінің ресми мәлімдемесінде.

Ұйымға қосылу Өзбекстанға мол білім мен тәжірибені алып келу мүмкіндігін береді. Бұл мәдени мұраны сақтау мен қорғау бойынша жүктелген міндеттерді орындаудағы күш-жігерді қолдауға қызмет етеді.

Бұл оқиға ұйымның Орталық Азия аймағындағы қатысуын күшейтеді. Өзбекстанның ұйымға мүшелігі аймақтағы басқа елдерді де мәдени мұраны сақтау және қорғау миссиясына қосылуға шабыттандырады.