Халықаралық азаматтық авиация ұйымының (ICAO) сарапшылары Өзбекстандағы ұшу қауіпсіздігі жүйесінің жұмысын бағалау бойынша кешенді аудит жүргізіп, оң қорытынды берді.

Көлік министрлігінің ақпараты бойынша, жоспарлы тексеру аясында осы жылдың 17-29 мамырында ICAO аудиторлар тобы ұшу қауіпсіздігінің жай-күйіне жоспарлы тексеру жүргізді. Сондай-ақ, Көлік министрлігі, «Узавиация» агенттігі, «Узгидромет», «Узаэронавигация» орталығы ДУК, «Uzbekistan Airways» АҚ, «Panorama Airways» ЖШС, «И.Каримов атындағы Ташкент халықаралық әуежайы» ЖШС және «Uzbekistan Airways» оқу-жаттығу орталықтарында ICAO стандарттары талаптарының орындалуына тексеру жүргізді.

«Аудит нәтижелері бойынша Өзбекстан азаматтық авиациясында ұшу қауіпсіздігіне (ҰҚК) әсер ететін сәйкессіздіктер анықталған жоқ.

Өзбекстанда ICAO стандарттарын енгізудің жалпы тиімділігінің бастапқы көрсеткіші 64 пайызды құрады, бұл толық аудиттен өткен басқа елдермен салыстырғанда жақсы көрсеткіш болып саналады», делінген хабарламада.

Осынау аудит азаматтық авиация саласындағы ұшу қауіпсіздігі жүйесін ұйымдастыруды бағалаудың маңызды объективті құралдарының бірі болып саналады.

Соңғы аудиторлық есеп 2023 жылдың 15 қарашасына дейін ұсынылып, ICAO ресми сайтында жарияланады.