«Uzbekistan Airports» мәліметінше, Өзбекстан әуежайларында маймыл шешек ауруының алдын алу шаралары жүргізілуде.

Бұл аурудың жаңа түрі негізінен Өзбекстанмен тікелей рейстер арқылы байланысы жоқ Африка елдерінде таралып жатыр. Бірақ соған қарамастан әуежайларда бұл аурудың алдын алу шаралары жүргізілуде.

Атап айтқанда, азаматтық авиация объектілерінің санитарлық-эпидемиологиялық тұрақтылық орталығымен бірлесіп, әуежайлардың медицина қызметкерлеріне маймыл шешек ауруының этиологиясы, клиникалық көрінісі, эпидемиологиясы, диагностикасы және алдын алу бойынша семинарлар өткізу жоспарланған.

Сонымен қатар, республиканың барлық халықаралық әуежайларында маймыл шешек ауруының алдын алуға бағытталған санитарлық-насихаттау жұмыстары күшейтілген.