2023 жыл 15 маусым күні Нью-Йоркте Өзбекстан мен Тринидад және Тобаго арасында дипломатиялық қарым-қатынас орнату туралы бірлескен коммюникеге қол қойылды.

СІМ мәліметінше, екі ел үкіметтері атынан Құжатқа Өзбекстанның БҰҰ жанындағы Тұрақты өкілі Бахтиёр Ибрагимов пен Тринидад және Тобагоның БҰҰ жанындағы тұрақты өкілі Деннис Фрэнсис қол қойды.

Бұл ел Оңтүстік Американың солтүстік-шығыс жағалауында орналасқан, Британдық Достастыққа, сондай-ақ Америка мемлекеттері ұйымына кіреді.

Тараптар халықаралық ұйымдар, соның ішінде БҰҰ мен оның мамандандырылған институттары аясында бірлескен ынтымақтастықты нығайтуға мүдделі екендіктерін растады. Ынтымақтастықтың өзара тиімді бағыттарын іздестіру үшін екіжақты қарым-қатынастарды жалғастыруға келісілді.