Өзбекстан делегациясының Швейцарияға сапары аясында 12 қараша күні Өзбекстан Республикасы Президенті жанындағы Стратегиялық және аймақтық зерттеулер институты (САЗИ) мен Жаһандық ынтымақтастық және тұрақтылық халықаралық қоры (ЖЫТХҚ) арасында өзара түсіністік туралы меморандумға қол қою рәсімі өтті.

Құжатқа САЗИ директоры Элдор Арипов пен ЖЫТХҚ-тің атқарушы директоры Халид Косер қол қойды. 

ЖЫТХҚ — 2014 жылдан бері әлемнің 23 елінде терроризмге қарсы күрес және репатрианттарды оңалту бойынша жобаларды жүзеге асырып келе жатқан Женевада орналасқан жетекші халықаралық ұйым. Қор бұл жобаларға 200 миллион АҚШ долларынан астам инвестиция салған.   

Меморандум экстремизм мен терроризмге қарсы күрес, қайтып оралған азаматтарды оңалту және қайта бейімдеуге жәрдемдесу саласында бірлескен бағдарламаларды жүзеге асыру үшін құқықтық негіз қалыптастырады. 

ЖЫТХҚ Өзбекстан Республикасы Президентінің бастамасымен құрылған Репатриация және қайта бейімдеу мәселелері жөніндегі аймақтық сарапшылар кеңесінің жұмысына үлкен қызығушылық танытты. Қор кеңес аясында психологтар, әлеуметтік қызметкерлер және қайтып келгендермен жұмыс істейтін махалла өкілдерінің біліктілігін арттыру бойынша арнайы тренингтер ұйымдастыруға, сондай-ақ репатрианттарды жұмыспен қамту және олардың әлеуметтік интеграция мүмкіндіктерін кеңейтуге бағытталған бағдарламаларды әзірлеуге мүдделі екенін білдірді.   

Терроризм мен экстремизмді онлайн платформаларда насихаттауға қарсы күрес және жастардың сыни ойлау қабілетін дамыту саласындағы шешімдерді іздеуге ерекше көңіл бөлінеді. 

ЖЫТХҚ қорының құрылуы туралы бастама 2013 жылы Нью-Йоркте өткен 4-ші Жаһандық антитеррор форумында АҚШ мемлекеттік хатшысы Джон Керри, Түркияның сыртқы істер министрі Ахмет Давутоғлу және Швейцария канцлері Дидье Буркхальтер тарапынан ұсынылған. ЖЫТХҚ директорлар кеңесіне Еуропалық Одақ, Африка, Азия, АҚШ, Қатар және Австралия сынды 20-дан астам елдің өкілдері кіреді.