2028 жылға дейін Орталық Азиядағы кемінде үш мемлекетпен азаматтардың ID-карта арқылы шекарадан еркін өтуіне мүмкіндік беретін келісімдерге қол жеткізу жоспарланып отыр.

Бұл жөнінде қоғамдық талқылауға ұсынылған жаңартылған «Өзбекстан – 2030» стратегиясы жобасында айтылған.

Құжатта Сыртқы істер министрлігіне Орталық Азия аймағындағы практикалық ынтымақтастықты сапалық жаңа деңгейге көтеру міндеті жүктелген. Атап айтқанда, 2027 жылға дейін және 2027 жылы кемінде үш мемлекетпен азаматтардың ID-карталар негізінде шекарадан еркін өтуіне қатысты келісімдерге қол қою көзделіп отыр.

Сонымен қатар, Орталық Азия елдерімен өзара тауар айналымын қазіргі 11 млрд АҚШ долларынан 15 млрд долларға дейін жеткізу жоспарланған.

Еске салайық, 2023 жылдың қыркүйегінде Өзбекстан мен Қырғызстан арасында кедендік шекара бекеттерінен шетелге шығу төлқұжатсыз, тек ID-карта арқылы өтуге және көрші ел аумағында 30 күнге дейін визасыз болуға мүмкіндік беретін тәртіп енгізілген еді.