ӨР Денсаулық сақтау министрлігі Ресейде жасалған «Спутник-V» вакцинасының 5 мың дозасын алу туралы Ресейдің тікелей инвестициялар қорына үндеу жасағанын мәлімдеді.

ДСМ-нің қоғаммен байланыс департаментінің жариялаған хабарламасына сай, Өзбекстан Қытай мен Ресейде үшінші кезеңдік сынақтан өтіп жатқан вакциналарды сатып алу мүмкіндігін қарастыруда.

Қытай Халық Республикасы компанияларынан вакциналардың клиникалық сынақтарының үшінші кезеңін Өзбекстанда бірлесіп жүзеге асыруға ұсыныстар түсті. Атап айтқанда, Инновациялық даму министрлігі қытайлық «Sinopharm» компаниясының уәкілетті компаниясы «Yilin International Commerce LLC» және «Zhifei Longcom» компаниясымен келісімшарт жасасты. Сонымен қатар, Ресей Федерациясында жасалған «Спутник-V» вакцинасының 5 мың дозасын Өзбекстан Республикасына бөлу туралы Ресейдің тікелей инвестициялар қорына үндеу жасалды, делінген хабарламада.

Сондай-ақ, тағы бір маңызды мәселе - вакцинаның өндірісін Өзбекстанда жолға қою. Бұл мәселені біздің ғалымдар мен фармацевтика өндірушілері де қарастыруда. Бұл жағдайда вакциналар импортқа тәуелді болмайды. Оларды экспорттау арқылы көрші елдерге көмектесуге болады. Бұл өз кезегінде аймақтағы COVID-19-ға қарсы эпидемиологиялық тұрақтылыққа қол жеткізу процесін қамтамасыз етеді, делінген министрлік хабарында.