Өзбекстан Республикасы Сыртқы істер министрлігі Ресейден келіп жатқан азаматтардың қылмыс жасамаған жағдайда мәжбүрлі түрде елден шығарылмайтынын мәлімдеді.

Соңғы кездері Украинадағы жағдайға қатысты кейбір мәселелерге түсіністік таныту бойынша азаматтардан өтініштердің көбеюіне орай Өзбекстан Республикасының Сыртқы істер министрлігінің ақпараты: Өзбекстан Республикасы өзінің сыртқы саясатын жүзеге асыруда ашықтық, тең құқықтық, егемендік, аумақтық тұтастықты құрметтеу, басқа елдердің ішкі істеріне араласпау сияқты басымдықтарды әрқашан жақтайды.

Өзбекстан қазіргі жағдайды халықаралық құқық нормалары негізінде саяси-дипломатиялық жолдармен тезірек шешудің шарттарын әзірлеуді қолдайды.

Өзбекстан Республикасы аумағына келетін Ресей Федерациясы азаматтарының санының артуына келер болсақ, олардың Өзбекстанда болуы, сондай-ақ оларды экстрадициялау Өзбекстан заңнамасы, екіжақты және көпжақты құқықтық құжаттар негізінде реттелетінін білдіреміз.

Сонымен қатар, қылмыс жасамаған шет мемлекеттердің азаматтары мәжбүрлі түрде елден шығарылмайды, делінген СІМ ақпаратында.