Өзбекстан Республикасының Сыртқы істер министрі Бахтияр Саидов 19 тамыз күні ЮНЕСКО Бас директоры Одри Азуле ханыммен телефон арқылы мазмұнды сұхбат жүргізді.

Сыртқы істер министрінің Telegram-арнасында хабарлауынша, сұхбат барысында өркениеттер тоғысқан көне Самарқанд қаласында өтетін ЮНЕСКО Бас конференциясына дайындық мәселелеріне ерекше назар аударылған.

— «ЮНЕСКО Бас директоры Одри Азуле ханыммен телефон арқылы нәтижелі әрі мазмұнды сұхбат жүргіздік. Әңгіме барысында Самарқанд қаласында өтетін Бас конференцияға дайындық барысы кеңінен талқыланды», — деп жазды Бахтияр Саидов.

Тараптар ынтымақтастықтың мәдениет, білім және мәдени мұраны сақтау бағыттарындағы басым бағыттары бойынша пікір алмасып, осы салалардағы өзара күш-жігерді арттырудың маңыздылығын атап өтті.