Бүгін Өзбекстан Республикасының сыртқы істер министрі Бахтиёр Саидов БҰҰ-ның Балалар қоры – ЮНИСЕФ-тің атқарушы директоры Кэтрин Мэри Расселл ханыммен кездесу өткізді.

— Кэтрин Мэри Расселл ханыммен кездескенімізге қуаныштымыз, — деп жазды министр өз Telegram-арнасында. — Өзбекстан үкіметі үшін елдегі және әлемдегі болашақ ұрпақтың игілігі жолында ең жақсы жағдайларды жасау – басты басымдықтардың бірі болып қала береді.

Кездесу барысында тараптар аймақтағы миллиондаған бала үшін жарқын болашақ қалыптастыруға бағытталған бірлескен маңызды жобаларды жүзеге асыру жайында кең пікір алмасты.

— ЮНИСЕФ-пен тығыз ынтымақтастықты жоғары бағалаймыз және Қордың қызметін толық қолдауды жалғастырамыз, — деген Бахтиёр Саидов.