2023 жыл 27-28 наурызда Өзбекстан Республикасының Сыртқы істер министрі міндетін атқарушы Бахтиёр Саидов бастаған делегация Венгрияда болды.

СІМ мәліметінше, Өзбекстан Сыртқы саясат басқармасының басшысы Венгрияның Сыртқы істер және сауда министрі Петер Сийярто, Экономикалық даму министрі Мартон Над, «OTP» банк басқармасының төрағасы Шандор Чани, Gedeon Rixter компаниясының бас атқарушы директоры Габор Орбан және Түркі мемлекеттері ұйымының бас хатшысы Кубаничбек Омуралиев кездесулер өткізді. 

«Келіссөздер барысында екіжақты қарым-қатынастар мен көпжақты құрылымдар аясындағы байланыс, ең алдымен, сауда-экономикалық және инвестициялық салалардағы ынтымақтастықтың қазіргі жағдайы, оны дамыту перспективалары талқыланды. Жоғары деңгейдегі диалогтар барысында қол жеткізілген келісімдердің орындалу барысы қаралып, алдағы уақытта өтетін бірлескен іс-шаралардың кестесі туралы пікір алмасты», делінген хабарламада.

Өзбекстан СІМ басшысы екі елдің 60-тан астам жетекші компанияларының 100-ге жуық өкілінің қатысуымен ұйымдастырылған бизнес-форумның ашылу салтанатына қатысқан және делегация құрамы Будапешт еркін экономикалық аймағында да болып, құрылған бизнес-ортамен танысқан.

«Өзбекстан делегациясының Венгрияға сапарының маңызды бөліктерінің бірі Будапештте Өзбекстан елшілігінің ашылуы болды. Ашылу салтанатына екі елдің СІМ басшылары, Венгрияның үкіметі, қоғам және іскер топтары, сондай-ақ БАҚ өкілдері қатысты. Мажарстан астанасында Өзбекстанның дипломатиялық миссиясының ашылуы екі ел басшыларының өзара тиімді серіктестікті кеңейту және ортақ күн тәртібін жаңа практикалық мазмұнмен байыту бойынша алға қойған міндеттерін сапалы жүзеге асыруға қызмет ететіні атап өтілді», делінген ведомство ақпаратында.