2023 жыл 7 мамырда Өзбекстан Республикасының Сыртқы істер министрі Бахтиёр Саидов Өзбекстанға сапармен келген Қатар Мемлекетінің Мемлекеттік Сыртқы істер министрі Султан бен Саад Әл-Мурайхимен кездесу өткізді.

СІМ мәліметінше, сұхбат барысында тараптар қарқынды дамып келе жатқан Өзбекстан-Қатар қарым-қатынасының өзекті мәселелерін, бірлескен бағдарламаларды жүзеге асыруды, саяси диалогты жандандыру перспективаларын, сауда-инвестициялық қарым-қатынастарды, мәдени-гуманитарлық және туристік алмасуларды талқылады. 

«Халықаралық және өңірлік күн тәртібі, соның ішінде Ауғанстандағы жағдай бойынша пікір алмасты», делінген хабарламада.

Осы күні екі елдің үкіметтері, дипломатиялық корпус өкілдері, қоғам және БАҚ өкілдерінің қатысуымен Ташкенттегі Қатар Мемлекетінің Елшілігінің салтанатты ашылуына арналған салтанатты шара өтті.

Шарада сөз сөйлеген Өзбекстан Сыртқы істер министрі Өзбекстан тарапы Қатарды араб әлеміндегі маңызды, сенімді және болашағы зор серіктес деп санайтынын атап өтті. Қатардың дипломатиялық миссиясының ашылуы екіжақты қарым-қатынастар тарихында жаңа парақ ашып, оны практикалық мазмұнмен байытуға қызмет ететініне сенім білдірілді.