Өзбекстан Сыртқы істер министрлігінің басшысы Бахтиёр Саидов 21 қыркүйекте Нью-Йоркте өткен Азиядағы өзара іс-қимыл және сенім шаралары жөніндегі кеңеске мүше елдердің сыртқы істер министрлерінің бейресми отырысына қатысты.

«Бүгін біз Азиядағы өзара іс-қимыл және сенім шаралары кеңесі Сыртқы істер министрлерінің бейресми отырысына қатыстық. Диалог барысында біз кең ауқымды күн тәртібіміздегі бірқатар өзекті бағыттарды, соның ішінде Кеңес қызметін жетілдіру, жастарды қолдау және басқа да көптеген мәселелерді талқыладық. Біз бұл құрылымды байтақ Азия аймағында тұрақтылық пен инклюзивті дамуды қамтамасыз ету бойынша диалогты нығайтудың тиімді алаңы ретінде қарастырамыз», - деп жазды Өзбекстан СІМ басшысы өзінің Telegram-каналында.