2023 жыл 12 қаңтарда Өзбекстан Сыртқы істер министрінің міндетін атқарушы Бахтиёр Саидов Германия елшісі Тило Клиннермен кездесті.

СІМ дерегінше, онда Өзбекстан-Германия қарым-қатынастарын одан әрі дамытудың өзекті мәселелері талқыланған.

«Жоғары деңгейде саяси диалог оң қарқынмен дамып келе жатқаны атап өтілді. Тараптар екіжақты және көпжақты түрде жоспарланған іс-шаралардың ұйымдастырушылық және мазмұндық аспектілері бойынша пікір алмасты.

 Өзбекстан мен Германияның сауда-экономикалық ынтымақтастықты кеңейтуге, оның ішінде елдер арасындағы тауар айналымын әртараптандыруға және бірлескен кәсіпорындар санын арттыруға мүдделі екені айтылды», делінген хабарламада.

Сондай-ақ, ведомство хабарында мәдениет, білім және ғылым салаларындағы Өзбекстан - Германия ынтымақтастығын кеңейту мүмкіндіктеріне ерекше назар аударылғаны айтылған.