Бүгінгі таңда Өзбекстан әлем елдерімен түрлі салада байланысты нығайтып келеді. Солар қатарында Чехия және Словакия мемлекеттерімен жаңа мүмкіндіктер қарастырылды.

Өзбекстан техник реттеу агенттігінің директоры Акмал Жуманазаров Чехия және Словакия мемлекеттері ынтымақтастығында ұйымдастырылған жаңа зертханалардың ашылу рәсімі аясында Чехия Республикасының елшісі Любомир Фреборт және Словакия елшісі Виктор Борецкиймен кездесті.

Келіссөздер барысында техникалық реттеу, стандарттау, сертификаттау және метрология салаларын белсенді дамытуға өзара дайындық расталды.

Чехия және Словакия мемлекеттерімен ынтымақтастық жаңа қарқын алып келе жатқаны, тауар айналымы мен инвестициялық жобалар саны өскені, үкіметаралық комиссия отырысы аясында салаға қатысты маңызды құжаттарға қол қойылғаны атап өтілді.

Чехияның Ұлттық метрология институты (CMI) жанынан қысым бойынша кванттық зертхана, ал Словакияның Ұлттық метрология институты (SMU) жанынан температура бойынша кванттық зертхана ұйымдастыру, сонымен қатар Еуропаның TAIEX және TWINNING гранттық бағдарламалары арқылы мамандардың кәсіби біліктілігін, білімін және дағдыларын жетілдіруге назар аударылды.

Кездесу аясында Чехия және Словакия мемлекеттерімен метрология саласындағы ынтымақтастықты одан әрі дамытуға бағытталған екі маңызды құжатқа қол қойылды.

Өзбекстан Ұлттық метрология институты, Словакия метрология институты және Чехия метрология институты ынтымақтастығында жаңа зертханалар қызметі ресми түрде басталды.

Жаңадан ұйымдастырылған Химия зертханасында Словакия метрология институтымен (SMU) бірлесіп «Сулы ерітінділердегі сутегі иондарының белсенділігі рН көрсеткіші» бойынша алғашқы және қайталама эталондар, сондай-ақ «Сулы ерітінділердегі нитрат иондарының белсенділігі pX көрсеткіші», ал Чехия метрология институтымен (CMI) «Сұйықтықтардың салыстырмалы электр өткізгіштік бірлігі» бойынша алғашқы эталон негізінде тиісті сынақтар жүргізілетін болады.