Бүгін АҚШ-тың Ауғанстан бойынша арнайы өкілі Залмай Халилзад пен Америка Құрама Штаттары Халықаралық даму агенттігінің (ЮСАИД) атқарушы директоры Адам Бойлер Өзбекстанға сапармен келіп, қонақтар Өзбекстан Республикасының Сыртқы істер министрі Абдулазиз Камиловпен кездесті.

Кездесу басында тараптар өзара жақын саяси қатынастардың орнағанын, сауда-экономикалық, мәдени-гуманитарлық және әскери-техникалық байланыстардың нығаюын қанағаттанушылықпен атап өтті.

АҚШ өкілдері Өзбекстан басшылығының Ауғанстандағы жағдайды бейбіт жолмен реттеуге аймақтық көзқарасты ілгерілету жөніндегі күш-жігерін жоғары бағалады және осы саладағы белсенді ынтымақтастықты жалғастыруға дайын екендіктерін қуаттады.

Келіссөздер барысында тараптар Ауғанстан мен аймақ арасындағы экономикалық, көліктік және коммуникациялық байланыстарды кеңейтуге көмектесетін бірқатар жобаларды жүзеге асыру үшін АҚШ-тың Халықаралық даму агенттігінен қаражат тарту туралы пікір алмасты.