Ташкентте Шанхай ынтымақтастық ұйымына (ШЫҰ) мүше елдердің аймақтық басшыларының форумы өтіп жатыр.

Шарада Самарқанд қаласында өтетін «Өзбекстан-ШЫҰ» индустриалды аймағы ұйым аясында жаңа бірлескен жобаларды жүзеге асыру үшін тиімді алаң болады деп күтілуде. Индустриалды аймақтың әлеуетін толық іске асыру үшін оның аумағында ШЫҰ инвестициялық жобаларын дамыту орталығын құру ұсынылды. 

Орталықтың негізгі міндеті өндірістік, инфрақұрылымдық, шикізаттық және еңбек ресурстарын жұмылдыру болмақ.

Инвестициялар және сыртқы сауда министрлігінің хабарлауынша, Өзбекстан тарапынан азық-түлік қауіпсіздігі және ауыл шаруашылығы саласындағы ынтымақтастықты жандандыру, экологиялық, сауықтыру, қажылық туризмі және басқа да салалардағы қарым-қатынасты кеңейту бойынша нақты ұсыныстар айтылды.

Іс-шара барысында панельдік сессиялар да ұйымдастырылып, ашық диалогта сарапшылар сауда-экономикалық, инвестициялық, мәдени-гуманитарлық және басқа да басым бағыттар бойынша өңіраралық ынтымақтастықты кеңейту жолдарын талқылған.