Тәуелсіз Мемлекеттер Достастығына мүше мемлекеттер басшылары кеңесінің отырысы аясында Өзбекстан Республикасының Президенті Шавкат Мирзиёевке достық, тату көршілік және көпжақты ынтымақтастық қатынастарын нығайтуға қосқан үлесі үшін ұйымның ең жоғары наградасы – ТМД-ның Құрмет медалін салтанатты табыстау рәсімі өтті.

Айта кетерлігі, кейінгі жылдары Өзбекстанның Достастық жұмысына қатысуы жандана түсті.

Өзбекстан ТМД секторларындағы ынтымақтастықтың 24 ұйымына қосылды, 65 құрылымның қызметіне толықтай қатысады. 

<iframe width="640" height="360" src="https://www.youtube.com/embed/zmxsa27OsaE" title="Бишкек саммитида  Президент  Шавкат Мирзиёевга  МДҲ Фахрий нишонини тантанали топшириш маросими" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Осы кезеңде Өзбекстан Президенті көптеген маңызды бағыттар бойынша 70-ке жуық бастама көтерді. Олардың көпшілігі Достастыққа мүше елдердің қолдауымен жүзеге асырылды.