Өзбекстан Республикасы Президенті Шавкат Мирзияев 7 қазанда Санкт-Петербургте Ресей Президенті Владимир Путиннің бастамасымен өткен Тәуелсіз Мемлекеттер Достастығы елдері басшыларының бейресми кездесуіне қатысты.

Саммитке Беларусь Президенті Александр Лукашенко, Әзірбайжан Президенті Ильхам Әлиев, Тәжікстан Президенті Эмомали Рахмон, Түркіменстан Президенті Сердар Бердімұхамедов, Қазақстан Президенті Қасым-Жомарт Тоқаев, Армения Премьер-Министрі Никол Пашинян да қатысты.

Іс-шара барысында келесі аптада Астана қаласында өтетін ТМД Мемлекет басшылары кеңесінің кезекті отырысына дайындыққа қатысты өзекті мәселелер қаралды.

Көпжақты ынтымақтастық пен өңірлік әріптестіктің маңызды аспектілері талқыланды. Сауда-экономикалық, инвестициялық, көлік-коммуникация салаларындағы тығыз қарым-қатынастарды кеңейтуге ерекше назар аударылды.

Осымен Шавкат Мирзияевтың жұмыс сапары аяқталып, Мемлекет басшысы Ташкентке қайтып оралды.