19 мамырда Қытай Халық Республикасы Төрағасы Си Цзиньпиннің әйелі Пэн Лиюань Өзбекстан Президентінің жұбайы Зироат Мирзиёева мен Қырғызстан Президентінің жұбайы Айгүл Жапарованы Шэньси провинциясының (Солтүстік-Батыс Қытай) Сиань қаласындағы «Исушэ» тарихи театрына шақырды.

Синьхуа агенттігінің хабарлауынша, Пэн Лиюань алдымен қонақтарды «Исушэ» театры ауданындағы «Циньцян» опера өнері мұражайына апарып, қонақтар онда халық операсына қатысты тамаша жәдігерлерін тамашалады.

«Олар фреска алдына тоқтап, Тан әулеті тұсындағы батыс аймақтардағы жергілікті музыканттар мен орындаушылар бейнеленген жарқын көріністі тамашалады. Сондай-ақ Қытайдағы «Циньцян» опера өнерінің дамуы туралы егжей-тегжейлі әңгіме тыңдады. Пэн Лиюань мен қонақтар көрме залында көлеңкелі театрға арналған қуыршақтар бояуына қатысып, халық өнерінің шеберлерімен сұхбат құрды», - делінген хабарламада.

«Исушэ» театрында бірінші ханымдар «Циньцян» опера өнерінің классикалық үлгілерінен үзінділерді тамашалады.

Пэн Лиюан Орталық Азия елдерімен мәдени алмасулар мен ынтымақтастықты нығайтуға және халықтар арасындағы өзара түсіністік пен достықты дамытуға дайын екенін білдірді. Өз кезегінде Зироат Мирзиёева мен Айгүл Жапарова Ұлы Жібек жолы Орталық Азия мен Қытай мәдениетін біріктіргенін атап өтті. Тараптар гуманитарлық және мәдениетаралық тәжірибе алмасуды нығайтуға үміт білдірді.

Мәліметтерге қарағанда, «Исушэ» театрында дәстүрлі қытай өнерінің алуан түрі, опера, дәстүрлі би, ән айту және аспаптарында музыка ойнауды қамтиды. Бұл театр Сианьдағы ең танымал туристік орын болып табылады.

Бірінші ханымдар кездесуі жылы және достық жағдайда өткені атап өткен.

Сондай-ақ осы күні «Терракоталық армия мұражайы» атанған император Цин Шихуан кесенесіне сапар ұйымдастырылған. Ежелгі әлемнің сегізінші кереметі деп аталатын Қытайдың Бірінші императорының бейіті ЮНЕСКО-ның Бүкіләлемдік мәдени мұралар тізіміне енгізілген.

<iframe width="560" height="315" src="https://www.youtube.com/embed/taIyJhOjcKQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Еске сала кетейік, Өзбекстан Республикасының Президенті Шавкат Мирзиёев Қытай Халық Республикасының Төрағасы Си Цзиньпиннің шақыруымен 18-19 мамыр күндері осы елде мемлекеттік сапармен болды.

<iframe width="560" height="315" src="https://www.youtube.com/embed/ogFjePAQ-PI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

ӨзА