Өзбек халқының, сондай-ақ миллиондаған футбол жанкүйерінің көптен күткен арманы орындалды.

Жуырда Азия құрлығы аясында өткен футболдан Әлем чемпионатының үшінші іріктеу кезеңінің 9-турында Өзбекстан ұлттық құрамасы БАӘ құрамасына қарсы ойында 0:0 есебімен тең түсті. Осы нәтижемен ұлттық құрамамыз 18 ұпай жинап, ел тарихында тұңғыш рет футболдан Әлем чемпионатына жолдама алды.

Бұл қуанышты жаңалық бүкіл халықтың рухын көтеріп, ел ішін шаттыққа бөледі. Бүгінде барша отандастарымыз футболшыларымызбен шын жүректен мақтанып отыр.

Өзбек футболының тарихында жаңа парақ ашқан Темур Кападзе баптайтын ұлттық құраманың мүшелерін Ислам Каримов атындағы Ташкент халықаралық әуежайында үкімет мүшелері, спорт саласының жетекшілері, ата-аналар, бапкерлер, кең жұртшылық өкілдері мен сала жанашырлары салтанатты түрде қарсы алды.

[gallery-23799]