ФИФА ұлттық құрамалардың жаңартылған рейтингін жариялады. Онда Өзбекстан ұлттық құрамасы 50-орыннан бой көрсетті.

Сондай-ақ Өзбекстан құрамасы Азия командалары арасында 5-орынды иеленген.

Жалпы рейтингте Испания құрамасы көш бастап тұр. Одан кейін Аргентина, Франция және Англия орын алған. Үздік бестік қатарын Бразилия түйіндейді. 

Бұған дейінгі рейтингте Өзбекстан құрамасы 54-сатында тұрған еді.

Еске сала кетейік, 18 қараша күні Өзбекстан құрамасы Иран құрамасын пенальти сериясында жеңіп, Al Ain Cup жүлдесін иеленген болатын.