«Загулба» резиденциясында Әзербайжанға мемлекеттік сапармен келген Өзбекстан Республикасының Президенті Шавкат Мирзиёевті ресми қарсы алу рәсімі өтті.

Қарсы алу алаңында екі елдің мемлекеттік тулары көтеріліп, құрмет қарауылы сапқа тұрды.

Жоғары мәртебелі мейманды Әзербайжан Республикасының Президенті Ильхам Әлиев шынайы құрметпен қарсы алды.

Екі елдің мемлекеттік әнұраны орындалды. Әскери оркестрдің әуенімен құрмет қарауылы Мемлекет басшыларының алдынан салтанатты түрде өтті.

Бірлескен суретке түскен соң, Өзбекстан мен Әзербайжан Президенттерінің шағын құрамдағы кездесуі басталды.