Германия Даму банкінің K&W Ташкенттегі Орталық Азия филиалының директоры Андреас Шнайдер Өзбекстан Президентінің Германияға сапары қаржы-банк саласындағы екіжақты ынтымақтастықты нығайтуға күшті серпін беретінін атап өтті.

– Жоғары деңгейдегі сапар елдер арасындағы экономикалық ынтымақтастықты кеңейтеді. Германияның Даму банкі K&W Өзбекстан мен Германия арасында сауда-экономикалық қарым-қатынас орнатуға және халықтың тұрмыс жағдайын жақсартуға көмектесуге дайын.

Біз сіздердің елдеріңіздің үш бағытқа, атап айтқанда, денсаулық сақтауды, еңбек нарығын және қала құрылысы жүйесін жақсартуға, сондай-ақ сумен жабдықтауды дамытуға ерекше көңіл бөліп отырғанын жоғары бағалаймыз.

Бүгінгі таңда Германияның Даму банкі K&W денсаулық сақтау саласында ана мен бала денсаулығын нығайту, денсаулық сақтаудың барлық секторларын цифрландыруды қолдау, сондай-ақ пандемия салдарын жоюға көмектесу үшін белсенді шаралар қабылдауда.

Біздің банк жүзеге асырып жатқан жобалар екі ел арасындағы сауда-экономикалық ынтымақтастықты тереңдетуге, сондай-ақ елдің тұрақты дамуына қолдау көрсетуге қызмет ететінін тағы да еске салғым келеді.

ӨзА