18 ақпанда Өзбекстан Республикасы Президенті Шавкат Мирзияев Үкіметаралық Бірлескен Комиссияның кезекті отырысын өткізу үшін жұмыс сапарымен Өзбекстанға келген Венгрияның Сыртқы істер және сауда министрі Петер Сийярто бастаған делегацияны қабылдады.

Сұхбат барысында Мемлекет басшысы Өзбекстан мен Венгрия арасындағы дәстүрлі достық және жан-жақты серіктестік қатынастар соңғы жылдары тұрақты дамып келе жатқанын атап өтті.


Қазіргі кезде екі ел арасында түрлі тиімді ынтымақтастық орнап, тауар айырбастау өткен жылдарға қарағанда 45 пайызға артқан. Ауыл шаруашылығы, тамақ өнеркәсібі, фармацевтика және басқа да салаларда бірлескен жобалар жүзеге асырылу мен қатар білім беру, мәдени және туристік алмасулар кеңеюде.

Өз кезегінде Петер Сийярто осындағы жылы қабыл үшін Шавкат Мирзияевқа алғыс айтып Венгрия Премьер-министрі Виктор Орбанның ізгі тілектерін жеткізді.

Кездесуде екіжақты және өңірлік ынтымақтастықтың және Еуропалық Одақпен диалог форматындағы өзекті мәселелер бойынша пікір алмасып, Венгрияның жетекші компанияларының озық тәжірибесі мен үздік технологияларын қолдану арқылы бірлескен инвестициялық жобаларды іске асыру мен қаржыландыруға ерекше назар аударылды.

Өңіраралық қатынастарды дамыту, банк және көлік саласындағы бағдарламаларды жүзеге асыру, жоғары білікті мамандар даярлау перспективалары талқыланды және алдағы өтер кездесулердің күн тәртібі де қаралды.