Өзбекстан Республикасының Президенті Шавкат Мирзиёев Әзірбайжан Республикасының Президенті Ильхам Әлиевтің шақыруымен 5 шілдеде өтетін Түркі мемлекеттері ұйымының бейресми саммитіне қатысу үшін жұмыс сапармен осы елге барады.

Мемлекет басшылары кеңесінің «Көліктік өзара тәуелділік пен климаттың өзгеруімен күресу арқылы тұрақты болашақты құру» тақырыбындағы кезектен тыс отырысының күн тәртібінде сауда-экономика, көлік-коммуникация және инвестициялық-қаржы, сондай-ақ «жасыл» экономика, жаңартылатын энергия көздері, климаттың өзгеруіне қарсы күрес және адами капиталды дамыту саласындағы өңірлік ынтымақтастықты одан әрі кеңейту мәселелері талқыланады.