Өзбекстан Республикасының Президенті Шавкат Мирзиёев Түркіменстан Президенті Сердар Бердімұхамедовтың шақыруына орай жұмыс сапарымен осы елге келді.

Түркіменбашы қаласының әуежайында Мемлекет басшысын Түркімен халқының ұлттық көшбасшысы, Халық Мәслихатының Төрағасы Гурбангулы Бердімұхамедов жылы қарсы алды.

Сапар аясында Мемлекет басшысы 5 тамыз күні БҰҰ-ның Теңізге шығар жолы жоқ дамушы елдер жөніндегі үшінші конференцияға қатысады. Сонымен қатар, Орталық Азия мемлекеттері басшыларының жетінші Консультативті кездесуіне дайындық мәселелеріне арналған арнайы іс-шараға қатысып, бірқатар екіжақты келіссөздер өткізеді.