Өзбекстан Республикасының Президенті Шавкат Мирзиёев Түркімен халқының ұлттық көшбасшысы, Түркіменстан Халық Мәслихатының Төрағасы Гурбангұлы Бердімұхамедовтың шақыруымен 22 тамыз күні «Әзербайжан – Түркіменстан – Өзбекстан» форматындағы үшжақты саммитке қатысу үшін жұмыс сапармен осы елге барады.

Саммит Түркіменстанның «Аваза» ұлттық туристік аймағында өтеді. Күн тәртібіне сәйкес, көпжақты ынтымақтастықты, ең алдымен сауда-экономикалық, көлік-коммуникация, энергетика және гуманитарлық салалардағы байланыстарды дамыту мәселелері талқыланады. Бірқатар бірлескен құжаттарға қол қою жоспарланған.

Сонымен қатар, Мемлекет басшысы саммит аясында екіжақты келіссөздер де өткізеді.