Өзбекстан Республикасының Президенті Шавкат Мирзиёев Біріккен Араб Әмірліктері Президенті Шейх Мұхаммед бен Заид Әл Нахаянның шақыруымен 30 қараша мен 2 желтоқсан күндері Біріккен Ұлттар Ұйымының климаттың өзгеруі жөніндегі конференциясына қатысу үшін Дубай қаласына барады.

Жаһандық климат саммитіне 150-ден астам елдің мемлекет және үкімет басшылары, ықпалды халықаралық ұйымдар мен қаржы институттары қатысады.

Іс-шараның күн тәртібіне БҰҰ-ның Климаттың өзгеруі туралы конвенциясының негізгі ережелерін жүзеге асыру, бүгінгі экологиялық қауіп-қатерлерге қарсы күрес және «жасыл» дамудың мақсаттары мен міндеттерін ілгерілетудегі кең ауқымды ынтымақтастық мәселелері қаралады.

Мемлекет басшысы саммиттің пленарлық отырысында сөз сөйлеп, бірқатар екіжақты кездесулер мен келіссөздер жүргізеді деп күтілуде.

Айта кетейік, Өзбекстан Республикасы 1993 жылы БҰҰ-ның Бейбітшілікті қолдау жөніндегі конвенциясына қосылса, 2018 жылы Париж келісіміне қатысушы болды.